კვანძების რედაქტორები¶

კოლონტიტული (Header)¶

კოლონტიტული სხვადასხვა მენიუებს, ღილაკებსა და ასარჩევ ვარიანტებს მოიცავს, და კვანძოვანი ხის ტიპზეა ნაწილობრივ დამოკიდებული.

../../../_images/interface_controls_nodes_introduction_header.png — კვანძთა რედაქტორის კოლონტიტულის გავრცელებული ვარიანტები.¶

ხედი (View): ეს მენიუ რედაქტორის ხედს გიცვლის.
მონიშვნა (Select): ეს მენიუ კვანძის, ან კვანძთა ჯგუფების მონიშვნის საშუალებას გაძლევს.
დამატება (Add): ეს მენიუ კვანძების დამატების საშუალებას გაძლევს.
კვანძი (Node): ეს მენიუ მონიშნულ კვანძებზე მოქმედების საშუალებას გაძლევს.

ჩამაგრებული (Pinned): როცა ეს ვარიანტი ჩართულია, რედაქტორი, აქტიურ ობიექტსა თუ სცენაში განხორციელებული ცვლილებების მიუხედავად, ყოველთვის აჩვენებს ამჟამად მონიშნულ კვანძოვან ხეს. ეს საშუალებას გაძლევს, მონიშნული ელემენტ(ებ)ის მასალა, ტექსტურა, ან კომპოზიტირების კვანძთა ხე 3D სარკმლის, ან აქტიური სცენისგან დამოუკიდებლად დაარედაქტირო. ხელსაყრელია, როცა რამოდენიმე ობიექტზე, ან სცენაზე მუშაობ, მაგრამ გინდა, რომ რედაქტორის ფოკუსი ერთ კონკრეტულ კვანძოვან ხეზე დარჩეს.
მშობელი კვანძოვანი ხე (Parent Node Tree): ტოვებს ამჟამინდელ კვანძთა ჯგუფს და უბრუნდება მშობელ კვანძთა ჯგუფს/ხეს.
მიკვრა (Snapping): სხვადასხვა ვარიანტები კვანძთა პოზიციების გადახტომა-მიკვრისთვის, კვანძოვანი ხის განლაგების მოსაწესრიგებლად. იხ. კვანძების მოწესრიგება.

გადაფარებები (Overlays)¶

გადაფარებები ის ინფორმაციაა, რომელიც კვანძებისა და კვანძოვანი ხეების ზემოდან აისახება. გადაფარებული ამოსახტომი ფანჯრის გვერდით კვანძთა რედაქტორის საჩვენებლად, ან დასამალად არსებობს გადამრთველი.

მავთულთა ფერები (Wire Colors): გააფერადე კვანძების დამაკავშირებელი მავთულები იმის მიხედვით, თუ რომელ ბუდეებთანა ისინი დაკავშირებული.

ავტომატური ჭდეების გადამისამართება (Reroute Auto Labels): დაადე გადამისამართების კვანძებს ჭდეები მათთან დაკავშირებული გადამისამართების კვანძების ჭდეების მიხედვით.

კონტექსტური მისამართი (Context Path): ზედა მარცხენა კუთხეში ასახე სანავიგაციო ბილიკები, რომლებიც მიუთითებენ ამჟამად ასახული კვანძოვანი ხის/ჯგუფის მდებარეობას იერარქიაში.

ანოტაციები (Annotations): ასახე ანოტაციები წინასწარი გადახედვის მონაკვეთში.

გადახედვები (Previews): თუ კვანძის გადახედვაც ჩართულია, ასახე თითოეული კვანძის გადახედვა.

დროში განაწილებები (Timings)

ასახე თითოეული კვანძის ბოლო გაშვების დრო. ეს ვარიანტი მხოლოდ კომპოზიტირებისა და გეომეტრიული კვანძებისთვისაა ხელმისაწვდომი.

გეომეტრიული კვანძების კონტექსტში იხ. კვანძთა დროში განაწილებების გადაფარებები.

ხელსაწყოთა ზოლი (Toolbar)¶

ხელსაწყოთა ზოლი მოიკცავს ხელსაწყოების ნაკრებს, რომელთა გამოყენებაც კვანძების რედაქტორში შეიძლება.

მონიშვნა (Select)

მონიშნე, ან გადააადგილე კვანძები და ბმულები.

მართკუთხა მონიშვნა (Select Box): მონიშნე კვანძები, ან ბმულები მათ გარშემო მართკუთხედის მოხაზვით.
წრიული მონიშვნა (Select Circle): მონიშნე კვანძები, ან ბმულები მათზე წრიული ფუნჯით დაწკაპუნებით, ან გადატარებით.
მომნიშვნელი ქამანდი (Select Lasso): მონიშნე კვანძები, ან ბმულები ქამანდი თავისუფალი ფორმის მოხაზვით.

ანოტაცია (Annotate)

მოხაზე ანოტაცია თავისუფლად.

ხაზოვანი ანოტაცია (Annotate Line): დახაზე სწორხაზოვანი ანოტაცია.
მრავალკუთხა ანოტაცია (Annotate Polygon): დახატე პოლიგონალური ანოტაცია.
ანოტაციის საშლელი (Annotate Eraser): წაშალე უკვე დახატული ანოტაციები.

ბმულების კვეთა (Link Cuts)

წაშალე კვანძებს შორის კავშირები მათ შორის გაბმულ მავთულებზე ხაზის გადასმით. დამატებით ინფორმაციისთვის იხ. ბმულების კვეთა.

ბმულების ჩახშობა (Mute Links)

ჩაახშე კვანძებს შორის კავშირები მათ შორის გაბმულ მავთულებზე ხაზის გადასმით. ჩახშობილი ბმულები ადგილზე რჩება, მაგრამ გამოთვლისას იგნორირდება. დამატებითი ინფორმაციისთვის იხ. ბმულების ჩახშობა.

გადამისამართების დამატება (Add Reroute)

დაასვი ბმულებს გადამისამართების კვანძის წერტილი მათზე ხაზის გადასმით. ეს კვანძები კავშირთა გადამისამართებით რთული აგებულების მქონე კვანძოვან ხეთა მოწესრიგებაში გვეხმარება.

გვერდითა ზოლი (Sidebar)¶

გვერდითა ზოლი შეიცავს როგორც ამჟამად არჩეული კვანძის თვისებებს, ისე უშუალოდ კვანძების რედაქტორისთვის სპეციფიურ პარამეტრებს.

კვანძი (Node)¶

მითითება

პანელი (Panel):: გვერდითა ზოლი ‣ კვანძი (Sidebar ‣ Node)

გვერდითა ზოლის ჩანართი კვანძი შეიცავს თვისებებს, რომლებიც აკონტროლებს აქტიური კვანძის ქცევასა და შესახედაობას. ხელმისაწვდომი ვარიანტები კვანძის ტიპსა და რედაქტორზეა დამოკიდებული.

../../../_images/interface_controls_nodes_sidebar_item.png — ახალი ჩანართი, როდესაც არჩეულია კომპოზიტირების კვანძი "რენდერის შრეები (Render Layers)".¶

კვანძი (Node)¶

სახელი (Name): კვანძის უნიკალური იდენტიფიკატორი მისსავე კვანძოვან ხეში. ეს სახელი უნიკალური უნდა იყოს და შიდა დამოწმებისთვის გამოიყენება.

ჭდე (Label): მორგებული სათაური, რომელიც კვანძის ზემოთ ჩანს. სახელისგან განსხვავებით, ჭდე აუცილებელი არაა, უნიკალური იყოს და რთული კვანძოვანი ხეების მოსაწესრიგებლადაა გამოსადეგი.

ფერი (Color)

კვანძის ფონის ნაგულისხმებ ფერს ამჟამინდელი თემა განსაზღვრავს. თუ გინდა, მორგებული ფერი დააყენო, ეს ვარიანტი ჩართე.

მორგებულ ფერებს შეუძლია, ვიზუალური მინიშნებები მოგცეს, რომელთა დახმარებითაც მონათესავე კვანძებს დააჯგუფებ, ან კვანძოვანი ხის მნიშვნელოვან ნაწილს გამოყოფ.

ფერის ველის გვერდით მდებარე წინასწარი კონფიგურაციების ღილაკი საშუალებას გაძლევს, მორგებული ფერები შეინახო და კიდევ გამოიყენო.

კვანძის ფერის სპეც. ხელსაწყოები (Node Color Specials)

შეიცავს კვანძების მორგებულ ფერებთან დაკავშირებულ ოპერატორებს.

გადაკოპირება მონიშნულზე (Copy to Selected): აქტიური კვანძის ფერს ყველა მონიშნულ კვანძზე აკოპირებს.

ვარიანტების ჩვენება (Show Options): აჩენს, ან მალავს კვანძისთვის სპეციფიურ ვარიანტებს კოლონტიტულში, თუ ეს ვარიანტები კვანძის ამ ტიპისთვის ხელმისაწვდომია.

ჩახშობა (Mute): დროებით, წაუშლელად თიშავს კვანძს. როცა შესაძლებელია, ხდება კვანძისთვის გვერდის ავლა და მასში შემავალი მონაცემები პირდაპირ გადაეცემა მის გამონატანს.

გავრცელება (Propagation) გეომეტრიული კვანძები

აკონტროლებს, ამ კვანძიდან გამომავალი რომელი შეტყობინებები გავრცელდება მშობელ კვანძთა ჯგუფზე, ან მოდიფიკატორზე.

ყველა შეტყობინება (All Messages):: გაავრცელე ინფორმაციული შეტყობინებები, გაფრთხილებები და შეტყობინებები შეცდომების შესახებ.
შეცდომები და გაფრთხილებები:: გაავრცელე მხოლოდ გაფრთხილებები და შეტყობინებები შეცდომების შესახებ.
შეცდომები (Errors):: გაავრცელე მხოლოდ შეტყობინებები შეცდომების შესახებ.
არაფერი (None):: საერთოდ ნუ გაავრცელებ შეტყობინებებს.

თვისებები (Properties)¶

ნაჩვენები თვისებები მონიშნული კვანძის ტიპზეა დამოკიდებული, მაგ.: შერევისა და შენიღბვის კვანძებს სხვადასხვა თვისებები აქვს.

მორგებული თვისებები¶

შექმენი და მართე შენი საკუთარი თვისებები აქტიურ კვანძში მონაცემთა შესანახად. დამატებითი ინფორმაციისთვის იხ. მორგებული მონაცემების გვერდი.

ხელსაწყო (Tool)¶

მითითება

პანელი (Panel):: გვერდითა ზოლის მონაკვეთი ‣ ხელსაწყო (Sidebar region ‣ Tool)

აქტიური ხელსაწყო (Active Tool)¶

ამ პანელში ნაჩვენები ინფორმაცია არჩეულ ხელსაწყოსთან ერთად იცვლება.

ხედი (View)¶

მითითება

პანელი (Panel):: გვერდითა ზოლის მონაკვეთი ‣ ხედი (Sidebar region ‣ View)

ანოტაციები (Annotations)¶

კვანძების რედაქტორში ანოტაციების გასაკეთებლად შეგიძლია, ხელსაწყოთა ზოლში ანოტაციების ხელსაწყო აირჩიო. დამატებით ინფორმაციისთვის იხ. ანოტაციის ხელსაწყო.

ნავიგაცია¶

კვანძების რედაქტორებში ნავიგაცია თაგვის მოძრაობითაც ხდება და კლავიატურის მალსახმობებითაც.

პანორამირება შუა.ღ.: ხედის აწევ-დაწევა და გვერდზე გაწევა.
ზუმი Ctrl-შუა ღ., გორგოლაჭი: კამერის წინ და უკან მოძრაობა.
მონიშნული ჩარჩოში მოქცევა Numpadწერტილი: ზუმს ისე არეგულირებს, რომ კადრში მხოლოდ მონიშნული კვანძები მოექცეს.
ყველაფრის ჩარჩოში მოქცევა Home: ზუმს ისე არეგულირებს, რომ ყველა კვანძი კადრში მოექცეს.

კვანძების დამატება¶

მითითება

მენიუ:: დამატება (Add)
მალსახმობი:: Shift-A

კვანძების დამატება შეიძლება რედაქტორის კოლონტიტულში არსებული დამატების მენიუს მეშვეობით, ან კლავიატურის მალსახმობის გამოყენებით.

გარდა ამისა, კვანძების დამატება არსებული კვანძის შემავალი, ან გამომავალი ბუდიდან ბმულის გამოქაჩვითა და სხვა ბუდესთან დაკავშირების ნაცვლად ცარიელ სივრცეში დაგდებითაც შეიძლება. ეს ქმედება გახსნის მენიუს თავსებადი კვანძებისა და მათი ბუდეების სიით, რომლებიც შეგიძლია, არსებულ დაამატო და კვანძს დაუკავშირო. მენიუშიარჩევანის დადასტურების შემდეგ დაემატება ახალი კვანძი, რომლის გადაადგილება და განთავსებაც თავისუფლად შეგეძლება.