ორად გაყოფა

მითითება

რეჟიმი (Mode):

რედაქტირების რეჟიმი (Edit Mode)

ხელსაწყო (Tool):

ხელსაწყოთა ზოლი ‣ დანა ‣ ორად გაყოფა (Toolbar ‣ Knife ‣ Bisect)

მენიუ:

მეში ‣ ორად გაყოფა (Mesh ‣ Bisect)

ორად გაყოფის ხელსაწყო უსასრულო სიბრტყის გამოყენებით ორად ჭრის მონიშნულ გეომეტრიას.

გამოყენება

ხედი ისე დააყენე, რომ გამკვეთი სიბრტყე ხაზივით გამოჩნდეს (მაგალითად, თუ მეშის მარჯვენა და მარცხენა ნახევრებად დაჭრა გინდა, ხედი ზემოდან). შემდეგ ხელსაწყო გაააქტიურე და მარცხ.ღ.-ის მეშვეობით გაათრიე გამკვეთი ხაზი. გათრევის პროცესში ხელმისაწვდომია შემდეგი მალსახმობები (რომლებიც სტატუსის ზოლშიცაა ნაჩვენები):

გადატანა (Move) გამოტოვება

ცვლის ხაზის მდებარეობას.

მიკვრა (Snap) Ctrl

ხაზის ბრუნვას 15 გრადუსიან ინტერვალებამდე ზღუდავს.

შეტრიალება (Flip) F

ცვლის, სიბრტყის რომელი მხარე ითვლება "გარეთა" მხარედ. მოგვიანებით ეს შევსებისა და შიდას/გარეთას წაშლის ვარიანტებთან ერთად გამოიყენება.

ვარიანტები (Options)

ხაზის გათრევის შემდეგ ყვითელი ისარი "გარეთა" მხრისკენ მიმართულებას აჩვენებს და ბოლო ოპერაციის პარამეტრების პანელში შემდეგი ვარიანტები ხდება ხელმისაწვდომი:

სიბრტყის წერტილი (Plane Point), სიბრტყის ნორმალი (Plane Normal)

შესაძლებელია სიბრტყის რიცხვობრივად დარეგულირება ზუსტი მნიშვნელობებისთვის.

შევსება (Fill)

გამკვეთი სიბრტყის გასწვრივ ახალ წახნაგებს ჰქმნის, რათა დაფაროს შიდას/გარეთას წაშლით დატოვებული ნებისმიერი ხვრელი. მასალების, UV კოორდინატებისა და ფერის ატრიბუტების მიკუთვნება მათ ირგვლივ გარშემორტყმული გეომეტრიის მიხედვით ხდება.

შიდას/გარეთას წაშლა (Clear Inner/Outer)

წაშალე ნებისმიერი გეომეტრია გამკვეთი სიბრტყის "შიდა"/"გარეთა" მხარეს. გაითვალისწინე, რომ ეს იმ გეომეტრიაზე მოახდენს გავლენას, რომელიც ორიგინალ მონიშვნაში არ შედიოდა.

ღერძის მიჯნა (Axis Threshold)

ნებისმიერი წვერო, რომელიც გამკვეთ სიბრტყესთან ამ მიჯნაზე უფრო ახლოს მდებარეობს, ხელახლა იქნება გამოყენებული. დანარჩენი მეშისთვის ახალი წვეროები და წიბოები იქმნება.

მაგალითები

ორად გაყოფის გამოყენების გავრცელებული შემთხვევის მაგალითი.

ორად გაყოფის მაგალითი ჩართული შევსების ვარიანტით.