შესავალი¶

ამ განყოფილებაში აღწერილია მეშის ელემენტების მოსანიშნი სხვადასხვა ხელსაწყოები.

ასევე იხილეთ

გვერდი მონიშვნა მონიშვნის შესახებ ზოგად ინფორმაციას შეიცავს.

მონიშვნის რეჟიმები¶

მითითება

რეჟიმი (Mode):: რედაქტირების რეჟიმი (Edit Mode)
მენიუ:: 3D სარკმლის კოლონტიტული ‣ მონიშვნის რეჟიმი
მალსახმობი:: 1, 2, 3 (Shift მონიშვნის რამდენიმე რეჟიმი, Ctrl მონიშვნის განვრცობა/შეკუმშვა)

რედაქტირების რეჟიმში მონიშვნის სამი სხვადასხვა რეჟიმი არსებობს: წვეროების, წიბოებისა და წახნაგების. რეჟიმის შესაცვლელად დააწკაპუნე 3D სარკმლის კოლონტიტულში არსებულ შესაბამის ღილაკს, ან დააჭირე მალსახმობ კლავიშს.

წვერო (Vertex ) 1: ამ რეჟიმში წვეროები წერტილებად ჩანს. მონიშნული წვეროები სტაფილოსფრად ფერადდება, მოუნიშნავი - შავად, ხოლო აქტიური წვერო - თეთრად.
წიბო (Edge) 2: ამ რეჟიმში წვეროები არ ჩანს. მონიშნული წიბოები ყვითლად აისახება, მოუნიშნავი - შავად და აქტიური წიბო - თეთრად.
წახნაგი (Face) 3: ამ რეჟიმში მონიშნული წახნაგები სტაფილოსფრადაა შეფერადებული, ხოლო აქტიურ წახნაგს დამატებით თეთრი გვერდები აქვს.

../../../_images/modeling_meshes_selecting_introduction_vertex-mode-example.png — წვეროების რეჟიმის მაგალითი.¶

../../../_images/modeling_meshes_selecting_introduction_edge-mode-example.png — წიბოების რეჟიმის მაგალითი.¶

../../../_images/modeling_meshes_selecting_introduction_face-mode-example.png — წახნაგების რეჟიმის მაგალითი.¶

მონიშვნის რეჟიმის შეცვლა¶

რეჟიმების "აღმავალი" გზით ცვლისას - წვეროებიდან წიბოებზე და წიბოებიდან წახნაგებზე - ძველ რეჟიმში მონიშნული ნაწილები მხოლოდ იმ შემთხვევაში დარჩება მონიშნული, თუ ახალ რეჟიმშიც დასრულებულ მოსანიშნ ელემენტს ჰქმნიან.

მაგალითად, თუ მონიშნულია წახნაგის ოთხივე გვერდი, წიბოების რეჟიმიდან წახნაგების რეჟიმზე გადასვლისას ეს წახნაგი მონიშნული დარჩება. ხოლო ის მონიშნული წიბოები, რომლებიც მთლიან წახნაგს არ შეადგენს, ახალ რეჟიმში მოუნიშნავი იქნება.

../../../_images/modeling_meshes_selecting_introduction_face-mode-switched-from-edge.png — გადასვლა წახნაგების რეჟიმზე.¶

თავის მხრივ, რეჟიმების "დაღმავალი" მიმართულებით ცვლისას ყველა ელემენტი მონიშნული რჩვება. მაგალითად, თუ წახნაგს მონიშნავ და წიბოების რეჟიმში გადახვალ, მისი ოთხივე გვერდი მონიშნული იქნება.

მონიშვნის რამდენიმე რეჟიმი¶

რეჟიმის შეცვლისას Shift-ის დაკავებით ერთდროულად რამდენიმე რეჟიმის ჩართვაა შესაძლებელი.

მონიშვნის განვრცობა/შეკუმშვა¶

როცა "უფრო მაღალი დონის" რეჟიმში გადასვლისას Ctrl-ს იკავებ, მონიშვნა გაფართოვდება და სრულად მოიცავს ახალი რეჟიმის იმ ელემენტებს, რომლებიც მანამდე მხოლოდ ნაწილობრივ შედიოდა მონიშვნაში.

../../../_images/modeling_meshes_selecting_introduction_edge-mode-expanding-from-vertex.png — წიბოების რეჟიმში გადასვლა Ctrl-კლავიშის დაკავებით.¶

Ctrl-ის დაკავება და უფრო "დაბალი დონის" რეჟიმში გადასვლა საპირისპიროს შვრება: მონიშვნას ამცირებს, ანუ, აუქმებს ახალ რეჟიმში იმ ელემენტების მონიშვნას, რომელთა მეზობლად მდებარე თუნდაც ერთი ელემენტი მოუნიშნავია.

რენტგენი (X-Ray)¶

რენტგენული შეფერადების რეჟიმი შესაძლებელს ხდის დახშული (რაიმეთი დაფარული) გეომეტრიის არა მხოლოდ დანახვას, არამედ მონიშვნასაც. ამის გვერდით ეფექტი ისაა, რომ წახნაგების მონიშვნა მათ ზედაპირზე ნებისმიერ ადგილას დაწკაპუნებით უკვე შეუძლებელია, ამის ნაცვლად, მათი ცენტრალურ წერტილებს დააწკაპუნე.

../../../_images/modeling_meshes_selecting_introduction_limit-selection-to-visible-off.png — ჩართული რენტგენი.¶

../../../_images/modeling_meshes_selecting_introduction_limit-selection-to-visible-on.png — გათიშული რენტგენი.¶

მონიშვნის (Select) მენიუ¶

ყველა (All) A: ყველას მონიშვნა.
არაფერი (None) Alt-A: არაფრის მონიშვნა.
შებრუნება (Invert) Ctrl-I: მონიშნე მოუნიშნავი გეომეტრია და გააუქმე მონიშნულის მონიშვნა.

მართკუთხა მონიშვნა (Box Select) B: ინტერაქტიული მონიშვნა მართკუთხედით.
წრიული მონიშვნა (Circle Select) C: ინტერაქტიული მონიშვნა წრეწირით.
ქამანდით მონიშვნა (Lasso Select): ინტერაქტიული მონიშვნა თავისუფალი ფორმით.

სარკისებური მონიშვნა (Select Mirror) Shift-Ctrl-M: მონიშვნა მეშის მოპირდაპირე მხარეზე გადააქვს.
შემთხვევითის მონიშვნა (Select Random): პროცენტულ მნიშვნელობაზე დაყრდნობით ნიშნავს წვეროების, წიბოების, ან წახნაგების შემთხვევით ჯგუფს.
მონიშვნის ჭადრაკული გაუქმება (Checker Deselect): მონაცვლეობით აუქმებს ელემენტების მონიშვნას, აქტიურთან მიმართებაში.

მეტი/ნაკლები (More/Less)

მეტი (More) Ctrl-Numpadპლიუსი: ზრდის მონიშვნას და მოიცავს მის (არსებული მონიშვნის) საზღვართან მდებარე ელემენტებს.
ნაკლები (Less) Ctrl-Numpadმინუსი: მონიშვნას ამცირებს და მის საზღვართან მდებარე ელემენტებს მონიშვნიდან რიცხავს.
მომდევნო აქტიური (Next Active) Shift-Ctrl-Numpadპლიუსი: ნიშნავს ელემენტს, რომელიც "ლოგიკურად მოჰყვება" ბოლო ორ მონიშნულს.
წინა აქტიური (Previous Active) Shift-Ctrl-Numpadმინუსი: აუქმებს ბოლოს მონიშნული ელემენტის მონიშვნას და ბოლოდან მეორეს კვლავ ააქტიურებს.

მსგავსის მონიშვნა (Select Similar) Shift-G

ნიშნავს უკვე მონიშნულის მსგავს ელემენტებს.

ყველას მონიშვნა თვისებით (Select All by Trait)

ნიშნავს გეომეტრიას, რომელიც გარკვეულ არასასურველ პირობებს აკმაყოფილებს.

დაკავშირებულის მონიშვნა (Select Linked)

(ბმულით) დაკავშირებული (Linked): ნიშნავს ყველა ელემენტს, რომელიც პირდაპირ, თუ ირიბად უკავშირდება უკვე მონიშნულს.
უმოკლესი გზა (Shortest Path): ნიშნავს სულ ბოლოს მონიშნულ ორ ელემენტს შორის უმოკლეს გზაზე მდებარე ელემენტებს.
დაკავშირებული ბრტყელი წახნაგები (Linked Flat Faces): ზრდის მონიშვნას, რათა მოიცვას უკვე მონიშნული წახნაგების (დაახლოებით) თანასიბრტყული წახნაგები.

მარყუჟების მონიშვნა (Select Loops)

წიბოთა მარყუჟები (Edge Loops): ნიშნავს წიბოებს, რომლებიც წიბოთა იმავე მარყუჟის შემადგენლობაშია, რომელშიც მონიშნულები.
წიბოთა რგოლები (Edge Rings): ნიშნავს წიბოებს, რომლებიც წიბოთა იმავე რგოლის შემადგენლობაშია, რომელშიც მონიშნულები.
მარყუჟის შიდა მონაკვეთის მონიშვნა (Select Loop Inner-Region): ნიშნავს ყველა წახნაგს, რომელიც ამჟამად მონიშნულ სასაზღვრო წიბოთა ფარგლებშია მოქცეული.
სასაზღვრო მარყუჟის მონიშვნა (Select Boundary Loop): ანაცვლებს წახნაგთა არსებულ მონიშვნას მისი საზღვრო წიბოების მონიშვნით.

მახვილი წიბოები (Sharp Edges)

ნიშნავს მახვილი კუთხის მქონე წიბოებს.

აქტიურის მხარე (Side of Active) წვეროების რეჟიმი

ნიშნავს ყველა წვეროს, რომლებიც (მაგალითისთვის) აქტიური წვეროს მარჯვნივაა განთავსებული.

ატრიბუტით (By Attribute)

ნიშნავს ელემენტებს, რომელთათვისაც ამჟამად აქტიური ატრიბუტის მნიშვნელობაა ჭეშმარიტი.

ცნობილი პრობლემები¶

მკვრივი მეშები¶

როცა რენტგენია გამორთულია და მკვრივ მეშში მონაკვეთს მართკუთხედით/წრით/ქამანდით ნიშნავ, შესაძლოა, პირგადადების გამო მონაკვეთის ყველა წვერო არ მოინიშნოს. ასეთ შემთხვევაში ზუმით მიუახლოვდი, ან რენტგენი ჩართე.

N-კუთხედები წახნაგების მონიშვნის რეჟიმში¶

../../../_images/modeling_meshes_selecting_introduction_face-mode-ngon-visual-problem.png — N-კუთხა წახნაგი, რომლის მოსანიშნი წერტილი სხვა წახნაგის შიგნით მდებარეობს.¶

რეტგენულ და მავთულბადის შეფერადების რეჟიმებში წახნაგის მოსანიშნი წერტილები წახნაგის შუაგულში ჯდება, რაც, n-კუთხედების ჩაზნექილობის შემთხვევაში, შეიძლება, წახნაგის ზედაპირს სცდებოდეს. ამით შეიძლება, წერტილის პოვნა გართულდეს, განსაკუთრებით მაშინ, როცა ჩაზნექილობაში მეორე წახნაგია ჩასმული.