ელემენტების დალაგება (Sort Elements)¶

მითითება

რეჟიმი (Mode):: რედაქტირების რეჟიმი (Edit Mode)
მენიუ:: მეში ‣ ელემენტების დალაგება... (Mesh ‣ Sort Elements...)

ცვლის მონიშნული მეშის ელემენტების შინაგანი შენახვის თანმიმდევრობას.

მინიშნება

მონიშნულ ელემენტთა შენახვის ინდექსების სანახავად ჯერ დარწმუნდი, რომ სასურველ პარამეტრებში სადეველოპერო დამატებების ვარიანტი ჩართულია, შემდეგ 3D სარკმელში ინდექსების გადაფარება ჩართე.

ხედის Z ღერძი (View Z Axis): დაალაგე აქტიური ხედის Z ღერძზე, უშორესიდან უახლოესამდე.
ხედის X ღერძი (View X Axis): დაალაგე აქტიური ხედის X ღერძზე, მარცხნიდან მარჯვნივ.
კურსორის მანძილი (Cursor Distance): დაალაგე 3D კურსორისგან დაშორების მიხედვით, უახლოესიდან უშორესამდე.
მასალა (Material): დაალაგე წახნაგები მათი მასალის სლოტის ინდექსების მიხედვით, უმცირესიდან უდიდესამდე. წახნაგთა თანმიმდევრობა თითოეულ "მასალის ჯგუფში" უცვლელი რჩება.
მონიშნული (Selected): გადაიტანე ყველა მონიშნული ელემენტი დასაწყისში (მათ ფარდობით თანმიმდევრობაზე ზეგავლენის გარეშე). ფრთხილად: ეს მოუნიშნავი ელემენტების ინდექსებზეც იმოქმედებს!
გაშემთხვევითება (Randomize): გააშემთხვევითე მონიშნული ელემენტების თანმიმდევრობა.
უკუღმა (Reverse): შეაბრუნე მონიშნული ელემენტების თანმიმდევრობა.

პანელი ბოლო ოპერაციის პარამეტრები (Adjust Last Operation) გვთავაზობს შემდეგ ვარიანტებს:

ტიპი (Type): დალაგების ზემოხსენებული თანმიმდევრობა.
ელემენტები (ელემენტები): დალაგდეს თუ არა წვეროები, წიბოები, ან წახნაგები. თავდაპირველად ამას მონიშვნის მიმდინარე რეჟიმი განსაზღვრავს.
უკუღმა (Reverse): დაალაგე ნაგულისხმების საპირისპირო თანმიმდევრობით.
პირველსაწყისი (Seed): გაშემთხვევითების (Randomize) გამოყენებისას პირველსაწყისის შეცვლა სხვა თანმიმდევრობას შექმნის.